Velkomin til Stokkhólms!

Gamla Stan er hinn sögulegi gamli miðbær borgarinnar og myndar ásamt t.d. hipsterakaffihúsunum í Södermalm og sérstöku ABBA-safni sérstakt borgarumhverfi sem fáar norrænar borgir þola samjöfnuð við. Það er sama hvort verið er að skipuleggja viðburð eða fund í höfuðborg Svíþjóðar, við getum aðstoðað ykkur við að setja saman dagskrá með öllu því besta sem þar er í boði.

Verkefnisstjórar okkar aðstoða við allt frá A til Ö – og fleira

Viljið þið ljúka ráðstefnudeginum eða fundinum með góðum drykk og máltíð síðla kvölds í SoFo? Hvað um hátíðarkvöldverð á Vasa-safninu og verslunarferð í Hamngatan? Það verður ekkert vandamál!

Verkefnisstjórar okkar hafa mikla reynslu af umsjón með bæði viðburðum og ferðaþjónustu og eru þrautþjálfaðir í að sérsníða viðburði í samræmi við hvaða þarfir og fjárhagsáætlun sem er. Við höfum úrvals yfirsýn yfir alls konar hótel, fundarsali og veitingastaði en líka gott samstarfsnet staðbundinna samstarfsaðila sem aðstoða okkur við að setja saman allsherjar upplifun með öllu sem til þarf.

Við skipuleggjum dagskrá í Stokkhólmi sem smellpassar fyrir ykkur

Þið ráðið því sjálf hvort þið viljið bara fá einhverjar ráðleggingar eða tillögur í skipulaginu eða hvort við eigum að annast allan pakkann. Ophelix getur aðstoðað ykkur við allt frá skipulagningu til framkvæmdar og við miðum allt við það um hvernig hóp er að ræða og hver markmiðin eru. Þess vegna gefum við okkur alltaf góðan tíma til að ræða saman fyrir fram svo við vitum nákvæmlega hvernig við getum boðið ykkur einstakar upplifanir í Stokkhólmi.